لما نحب نتكلم عن منح جوجل مينفعش منتكلمش عن GSOC !!
دى عبارة عن منحه من شركة جوجل لمدة 4 شهور … طب انا هعمل ايه فى 4 شهور؟!
هتطور مشاريع لشركات كبيره جدا ..انا!! ... اه انت ..... طب ازاى؟
يوم 2 مارس بينزل list بأسماء الشركات اللي عندها open source projects .
فحضرتك بتختار شركة و تروح تشوف project من الـ projects بتاعتها و تروح تحمل الـ source code بتاعه من على الـ internet "هتلاقيه موجود بسهولة" و تحاول تتعامل معاه و تفهمه و تحاول تشوف انت لو هتشتغل في المشروع ده هتضيف إيه في أو هتعالج إيه فيه و هكذا.
طب انا مستفيد ايه ؟!
اولا : افاده ماديه أول لما تتقبل تاخد 500$ و بعد نص المدة بيتعملك evaluation لو عديته يتبعتلك 2250$ و في آخر الـ project كمان evaluation لو عديته تاخد 2250$ تانيين بإجمالي 5000$ كدا .
ثانيا من الناحيه الاجتماعيه : انت بتتعرف على ناس تفكيرها عالى جدا بتعمل علاقات كويسه جدا مع خبراء ده غير ان بيبقى معاك mentor من شركة جوجل نفسها بيتابع معاك .
طب بتفتح امتى المنحه دى ... وازاى اقدم ؟
المنحة دي التقديم عليها بتفتح كل سنة يوم 16-3 لغاية 27-3 و يوم 21-4 بينزل list بالـ accepted applicants و بتبدأ شغل فيه بقا من ساعتها لمدة حوالي 4 شهور.
طب ازاى اقدم انا كطالب؟!!
كل اللى عليك انك تدخل تشوف المشاريع اللى الشركات مقدماها ومحتاجه تطوير هتلاقى بجانب كل منظمه اللغات اللى بتستعملها فى تطوير البرامج دى هتختار انسب حاجه لمهاراتك وتبدأ تنزل الsource code بتاعها . طبعا الsource code بيبقى الاف السطور مش شرط انك تكون فهمه كويس ف الاول لان ده بييجى مع الوقت .. ده غير ان اي مشروع اوبن سورس بيكون ليه حاجة اسمها bug tracking system
بيبقى متجمع فيه كل الbugs اللى الناس قبلتها وطلبت من المطورين يحلوها . هتبدأ برضو تبص على الbugs دى وتشوف هل هتقدر تحل حاجه فيها ؟!
لنفترض ان فيه مشروع شدك وناوى تطور فيه !! بتبدأ تتواصل مع المنظمه دى او المشرفين على المشروع بمعنى اوضح ودى ليها طرق كتير على موقع GSOC ..بعد كده بيبقى معاك mentor من جوجل بيتابع معاك ..
ده الموقع : اضغط هنا
By : Mohamed Fawzy
وصف الكاتب هنا
0 التعليقات :
إرسال تعليق